საგარეჯოს ილია ჭავჭავაძის საზოგადოებრივ კოლეჯში ჩატარდა პირველადი გადაუდებელი დახმარების ტრენინგი, რომელსაც ესწრებოდნენ პროფესიული სტუდენტები და ადმინისტრაციის წარმომადგენლები.
ტრენინგს უძღვებოდა ექიმი ეკატერინე ქურხული, რომელმაც მონაწილეებს გაუზიარა საჭირო ცოდნა და პრაქტიკული უნარები, გადაუდებელ შემთხვევებში სწრაფი და ეფექტური რეაგირებისთვის.
ტრენინგი წარიმართა ინტერაქტიულ გარემოში, პრაქტიკული მაგალითებითა და აქტიური ჩართულობით. მონაწილეები გაეცნენ გადაუდებელ სიტუაციებში სწრაფი და ეფექტური რეაგირების პრინციპებს — გულის გაჩერების, სისხლდენის, მოტეხილობებისა და სხვა კრიტიკული შემთხვევების მართვის საფუძვლებს.
მსგავსი ტიპის სწავლება ხელს უწყობს უსაფრთხო და პასუხისმგებლიან გარემოს შექმნას როგორც სასწავლო პროცესში, ასევე ყოველდღიურ ცხოვრებაში.
მადლობა ტრენერს და მონაწილეებს აქტიური ჩართულობისთვის
მსგავსი ტიპის აქტივობები ამაღლებს ცნობიერებას, აძლიერებს უსაფრთხოების კულტურას და ამზადებს სტუდენტებს რეალურ ცხოვრებაში გადამწყვეტი ქმედებისათვის, სადაც წუთები გადამწყვეტია
