ინფორმაციული ტექნოლოგიები

ინფორმაციის ტექნოლოგია

მისანიჭებელი კვალიფიკაცია: საბაზო პროფესიული კვალიფიკაცია ინფორმაციის ტექნოლოგიის მხარდაჭერაში – Basic Vocational Qualification in Information Technology Support

პროგრამაზე დაშვების წინაპირობაა: საბაზო განათლება

პროგრამა ფინანსდება სახელმწიფო ბიუჯეტის მიერ

ინფორმაციის ტექნოლოგიის მხარდაჭერის პროფესიული პროგრამის მიზანია კონკურეტუნარიანი კადრის აღზრდა; პერსონალური კომპიუტერის აპარატურული და პროგრამული უზრუნველყოფის კვალიფიცირებული სპეციალისტის მომზადება, რომელიც ფლობს აპარატურული უზრუნველყოფისა და ოპერაციული სისტემების დაყენების, განახლების, დაზიანებების აღმოფხვრის, ოპტიმიზაციის, დიაგნოსტირების და მომსახურებისათვის საჭირო სპეციალურ ტექნიკურ უნარ – ჩვევებს.

ინფორმაციის ტექნოლოგიის მხარდაჭერის საბაზო კვალიფიკაციის მფლობელს შეუძლია დასაქმდეს ტექნიკური მხარდაჭერის სპეციალისტად ნებისმიერ სახელმწიფო / მუნიციპალურ ორგანიზაციაში ან/და კერძო კომპანიაში, სადაც გამოიყენება ინფორმაციული ტექნოლოგიები.

სწავლის ხანგრძლივობა

ა) ქართულენოვანი სტუდენტებისათვის – 60 კრედიტი. 9,5 თვე.

ბ) არაქართულ სტუდენტებისათვის – 75 კრედიტი.12 თვე

ინფორმაციის ტექნოლოგიის მხარდაჭერის სპეციალისტს შეუძლია:

• ააწყოს პერსონალური კომპიუტერი;

• დაამონტაჟოს პერიფერიული მოწყობილობები;

• დააინსტალიროს და გამართოს ოპერაციული სისტემა;

• დააინსტალიროს გამოყენებითი პროგრამული უზრუნველყოფა;

• უზრუნველყოს ოპერაციული სისიტემის უსაფრთხოება;

• გამართოს მარტივი სადენიანი და უსადენო შიდა ქსელი;

• შეაფასოს აპარატურული და პროგრამული რისკები;

• მოახდინოს აპარატურული და პროგრამული პრობლემის იდენტიფიცირება და აღმოფხვრას გაუმართაობა.

პროფესიული კვალიფიკაციის მოსაპოვებლად პროფესიულმა სტუდენტმა უნდა დააგროვოს პროგრამით გათვალისწინებული კრედიტები.

პროფესიულ კვალიფიკაციას ანიჭებს ილია ჭავჭავაძის სახელობის ქ.საგარეჯოს საზოგადოებრივი კოლეჯი.