კოლეჯმა დამიტოვა ბევრი ემოციური მოგონება,
თბილი, ყურადღებიანი ადამიანები და მეგობრები.
კოლეჯში მიღებულმა ცოდნამ და პრაქტიკულმა
გამოცდილებამ დიდი როლი შეასრულა ჩემს პროფესიულ
საქმიანობაში.
პრაქტიკა გავიარე „ჯეო-ჰოსპიტალსის“ კლინიკაში,
სადაც დავსაქმდი კიდეც ექთნის ასისტენტის პოზიციაზე.
ამჟამად ჩვენი ექვსი კურსდამთავრებული მუშაობს აქ.
ჩვენი შრომა ძალიან მოსწონს საავადმყოფოს
ადმინისტრაციას, ხშირად უფრო საპასუხისმგებლო
საქმესაც გვავალებენ, ამისათვის კი სურვილი მაქვს
სიყვარულით მოვიხსენიო ჩემი ყველა პედაგოგი.
რომელთაც საიმედო საგზური მოგვცეს ცხოვრებაში.

კოლეჯში არის მეგობრული და კომფორტული გარემო ცოდნის მისაღებად. აქ შევიძინე ბევრი მეგობარი. მადლიერი ვარ ყველა პედაგოგის. მათ მაჩვენეს, როგორ უნდა ვიცხოვრო, რომ შემდგომში საკუთარი თავით ვიამაყო. კოლეჯმა პრაქტიკული ცოდნის მისაღებად გამიშვა „ჯეო-ჰოსპიტალსის“ კლინიკაში, სადაც დავსაქმდი ექთნის ასისტენტის პოზიციაზე. ამჟამად ვმუშაობ საოპერაციოს ექთნის პოზიციაზე. ვისურვებდი კოლეჯს დაემატოს კიდევ უფრო მეტი პროფესია, რომ სტუდენტებს ჰქონდეთ ფართო არჩევანი. კოლეჯს ვუსურვებ წინსვლას. კიდევ ბევრი წარმატებული სტუდენტი აღეზარდოს!

საგარეჯოს კოლეჯმა მომცა საფუძვლიანი განათლება არამარტო თეორიული, არამედ პრაქტიკული თვალსაზრისითაც. კოლეჯის დამთავრებისთანავე მუშაობა დავიწყე საგარეჯოს ,,ჯეოჰოსპიტალსის“ მრავალპროფილურ სამედიცინო ცენტრში კომპიუტერული ქსელის ადმინისტრატორის პოზიციაზე. ჩემს განკარგულებაშია სამედიცინო ქსელში მომუშავე ყველა კომპიუტერი. მათი ეფექტური მუშაობისათვის არაერთი მადლობა მიმიღია საავადმყოფოს ადმინისტრაციისაგან. კოლეჯში გატარებულმა წლებმა მე მომცა საკუთარი თავის რწმენა, რითაც დღემდე თავდადებულად ვშრომობ. ამ ყველაფრისათვის ჩემს საყვარელ მასწავლებლებს, განსაკუთრებით ილია მატიაშვილს, მინდა ვუთხრა უღრმესი მადლობა, ხოლო კოლეჯს ვუსურვო წინსვლა და განვითარება.